Current
·
C2
·2026-11
تربیت مکمل ہونے تک شادی نہ کریں! حیات آباد میڈیکل کمپلیکس کا ٹرینی ڈاکٹروں کو انوکھا مشورہ
پشاور میں حیات آباد میڈیکل کمپلیکس کی انتظامیہ نے ٹرینی ڈاکٹروں کو انوکھا مشورہ دے ڈالا اور کہا ہے کہ تربیت مکمل ہونے تک شادی نہ کریں اور اسپتال سے جاری نوٹیفکیشن سوشل میڈیا پر توجہ کا مرکز بن گیا۔
حیات آباد میڈیکل کمپلیکس کی انتظامیہ نے پوسٹ گریجویٹ ٹرینی ڈاکٹروں (پی جی ٹیز) کو ہدایت کی ہے کہ وہ اپنی ریزیڈنسی ٹریننگ کامیابی سے مکمل ہونے تک شادی جیسے اہم ذاتی فیصلے بھی مؤخر کردیں اور فی الحال اپنی تمام تر توجہ اسپتال، مریضوں، تعلیم اور تحقیق پر مرکوز رکھیں۔
میڈیکل ڈائریکٹر حیات آباد میڈیکل کمپلیکس ڈاکٹر خالد خان کے دفتر سے جاری ہونے والے آفس آرڈر میں کہا گیا ہے کہ شعبہ طب کے تمام پوسٹ گریجویٹ ٹرینی ڈاکٹروں کی بنیادی توجہ کلینیکل ڈیوٹیز، مریضوں کی دیکھ بھال، تعلیمی سرگرمیوں اور تحقیقی تقاضوں پر ہونی چاہیے،۔
ٹرینی ڈاکٹروں کو مشورہ دیا گیا ہے کہ ریزیڈنسی کی مدت مکمل ہونے تک شادی جیسے ذاتی معاملات سے گریز کریں اور انتظامیہ نے اپنے نوٹیفکیشن میں تمام ٹرینی ڈاکٹروں سے اس مشورے پر مثبت انداز میں عمل کرنے کی توقع بھی ظاہر کی ہے۔
آفس آرڈر کی نقول تمام پوسٹ گریجویٹ ٹرینی ڈاکٹروں، ایسوسی ایٹ ڈین پوسٹ گریجویٹ میڈیکل انسٹی ٹیوٹ، شعبہ طب کے سربراہان اور متعلقہ سپروائزرز کو ارسال کردی گئی ہیں۔
دلچسپ بات یہ ہے کہ عام طور پر تعلیمی اور پیشہ ورانہ اداروں کی جانب سے ملازمین کو وقت کی پابندی، ڈیوٹی اور کارکردگی بہتر بنانے کی ہدایات جاری کی جاتی ہیں لیکن حیات آباد میڈیکل کمپلیکس کی انتظامیہ نے ٹرینی ڈاکٹروں کی پیشہ ورانہ توجہ برقرار رکھنے کے لیے شادی جیسے اہم ذاتی معاملے کو بھی اپنے مشورے کا حصہ بنا دیا ہے اور یوں اسپتال کی جانب سے جاری ہونے والا یہ مختصر سا نوٹیفکیشن ایک غیر معمولی موضوع بن گیا ہے۔
Find Your Interest
- Bruins Motor Past Red Wings, Snap Losing Streak
- Women’s Jeans as low as $8.62 at Walmart!
- Wavytalk Ionic Hair Dryer Only $19.99 with Free Prime Shipping {I Love Mine!}
- KIA 19홈런 재간둥이, 도쿄돔마저 넘겼다…결승전도 기대하시라 "오늘보다 더 할 수도 있다" [오!쎈 도쿄]
- وزیراعظم کے بعد بلاول بھٹو کی صدر زرداری سے اہم ملاقات، مسائل تحمل سے حل کرنے پر اتفاق
- Week 11 Fantasy Football Toolkit: Start/sit advice, rankings, sleepers, more
- 'College GameDay' announces Week 12 location, to visit ACC school
- اسلام آباد کی نجی لیبارٹری پر چھاپے میں تین افراد گرفتار، مشتبہ ویکسین برآمد
- 'Biggest traitor I've ever seen': De Villiers slams Usman Khawaja for selling out his AUS teammates over Sandpapergate
- راولپنڈی میں معمول کی چیکنگ کے دوران تہرے قتل کا ملزم گرفتار
Current
·
C2
·2026-11





