ڈی آئی خان؛ دہشتگردوں نے بارود بھری گاڑی تھانے سے ٹکرادی، قریبی مسجد شہید

ڈی آئی خان میں دہشت گردوں نے بارود بھری گاڑی ٹھانے سے ٹکرا دی، جس سے قریبی مسجد شہید اور عمارتوں کو نقصان پہنچا۔ بندکورائی پولیس اسٹیشن ڈیرہ اسماعیل خان پر دہشت گردوں کا حملہ ناکام بنا دیا گیا، حملہ آوروں نے تھانے کے گیٹ سے بارودی مواد سے بھری گاڑی ٹکرا دی۔ پولیس کے مطابق زوردار دھماکے سے تھانے کا گیٹ اور دیوار منہدم ہوگئی، تاہم پولیس کی جوابی فائرنگ سے حملہ آور فرار ہوگئے۔ واقعے میں تمام پولیس اہلکار محفوظ رہے، جبکہ قریبی مسجد شہید اور گھروں کو بھی نقصان پہنچا۔ پولیس اور سیکیورٹی فورسز کا علاقے میں سرچ آپریشن جاری ہے۔ ایس پی پھاڑ پور، ڈی ایس پی اور مقامی لوگوں نے دہشت گردوں کا تعاقب کیا، تاہم حملہ آور اندھیرے اور جنگل کا فائدہ اٹھا کر فرار ہوگئے۔